北海道之旅------手信篇

北海道除了有白之戀人朱古力外，原來仲有朱古力牛奶~~~

這是幫札幌動物園資助經費的拉麵，每買一個麵，就會捐一部分錢俾札幌動物園。

 函館的五稜郭瓦餅，好好味~~~

比卡超，只有後面兩隻是在日本買的，會發聲的~~~HEHE~前面個隻是香港買的模型。

 

仲有OSAKA限定的毛巾~~~


在日本的時候仲有不夠一個月就到女兒節，所以周圍都有女兒節的產品。

六花亭的朱古力~~~真係唔同D~~~ 

每個city都有佢限定既扭蛋，宜家通常都係200yan一個，好少100yan的了。

來個大集匯先~~~

仲有呢個好重要既防滑鞋套~~~ :p

北海道之旅------露宿機場的情人節晚上

14-15/2/2014

一早七時就起床，快快到樓下食個酒店包埋既自助早餐先~~~

見到有咁多野食，真係out of my expectation!!!因為呢間酒店既價錢一d都唔貴，又要近JR函館站，宜家仲要有埋咁豐富既自助早餐，仲有d野食唔錯，真係超值!!!!最衰真係要趕車既關係，如果唔係係度慢慢坐下食耐D真係幾寫意~~~

又要坐番3.5小時JR去札幌站，我在到達北海道第一天買了JR Pass後，便已揀埋今日既指定席，但都已經俾人book到冇曬連位.......因為呢d長途JR一日得幾班，唔早d揀指定席既話，好快就冇曬座位，咁你就唯有企足3.5小時喇......

同老公分開坐，大部分時間都係sleep......

去到札幌已經係12點喇，之後再搭半小時JR去新千歲機場。

本身我地係應該搭14:50起飛去關西機場既飛機，可是一埋到PEACH櫃位就知大檸樂了......

連今早9:30同12:45既兩班PEACH機都未起飛!!!!!!!

再睇埋呢個牌，我個班機預計要19:00先起飛 lol

Delay原因: 大阪個邊呢幾日都下緊大雪(東京更加有唔知幾多年一遇既雪災，新聞日日講)，所以令d機起唔到飛飛過黎.......

其實如果我係直航回hk delay都冇咩問題，但問題係我宜家仲要轉機回hk，我係搭21:20由關西回hk既機ar!!!!宜家即係會搭唔到個班機喇......

我同d地勤說明了我的情況，佢地話當我去到關西機場再同peach的地勤講，佢地會免費幫我改時間。

咁都冇辦法啦~~行下機場醫肚先~~

新千歲機場有個food court，d野食都幾平，以下呢個set只係500yan，夠我地兩個人食了。

周圍行下，呢度有少量purin精品，當然即時買了~hehe~

仲有工場整chocolate~~

成個機場都有呢d印仔，儲齊曬可以換禮物~

而佔了最大面積的，就是叮噹的餐廳、博物館、精品店同遊樂場。可惜我唔係叮噹迷，如果唔係一定好hyper~~~

等了又等，行完又坐，終於捱過了5個多小時，進入候機室，但原來都仲要delay，成7點半先上機，上了機之後又因機上人數同check-in時既人數唔夾而又搞多半小時，最後在晚上8時許才起飛，22:32先到關西.......

一到關西機場，取了行李，便奔跑去peach櫃位，想快d book到明早的機回香港。(因為怕好多人都有我呢個情況，如果明早的機full了，我們就要搭明晚21:20的機，要留多一日....)

結果我們是第一pair來到櫃台的人，同其中一個職員說明了情況後，佢問我地拎左passport，之後係部電腦面前左對右對，對足十分鐘都未book到位，係呢十分鐘期間，已經有另外幾pair hk人同我有同樣情況既係隔離個櫃台辨緊手續，當我見到隔壁有兩pair人都可以book到明早既機回hk時，幫我地既職員終於開聲同我地講話明早既機已full了，要明晚21:20的機先有位.......

頂!!!我即刻問佢岩岩隔壁都仲有早機位，佢話那兩個位是last!!!!!個刻我真係想爆粗，妖你我第一個黎到，你係度對極個passport都幫我book唔到，到最後人地遲黎先上岸，我真係爆嬲囉!!!!你唔識book就早出聲找人幫拖啦~你老味~~

好，以上所打的其實我全都沒說出口，因為一來唔識講，二來講左都冇用。但件事並唔係咁就完結。

之後我叫個職員幫我地出番張late certificate，一來老公要請多半日假，二來睇下claim保險有冇用。點知第一次issue個張冇打日期，第二次個張冇打姓名，最後第三次我唔同佢講啦，直接找另一個職員幫我出過!!!!!個刻我都仲未爆，但到最後佢出番張新既e-ticket俾我時，又cut了我一件我本身已一早上網付了款的托運行李，仲要講極佢都唔明，我就爆喇!!!!我開始用英文鬧爆佢，之後我再去隔壁櫃台找另一個職員來幫我處理，我講到明話呢個人一d都唔helpful。最後另一個職員一check之下，好明顯就冇問題，有問題既係佢地個個職員，乜都唔識，又唔識改機位、又唔識出late certificate、又唔識check我acc有d咩!!!佢究竟係咪第一日番工架!!!頂你!!!!

結果我地係第一pair到櫃台既人，亦係最後一pair走既人囉.......

搞完所有野，23:30喇，唔使旨意會找到酒店住。我地知道關西機場內有兩間可以俾人小睡片刻既"有料"休息室，如果申請左張關西機場既KIX-ITM CARD可以有半價，所以之後我地係機場部自助申請機填曬d資料，拎張收據去information center，佢就即刻俾張卡你用得架喇~~都好方便~~~

求其在lawson買點野食後，便出發去個兩間休息室看看，點知兩間都full曬0.0..............

其中有一間有得洗澡既，本身拎曬野諗住入去沖，點知佢話要等2小時，而個2小時仲要一定stay係個間休息室入面，唔可以出去，而係休息室入面係要計錢的!!!所以最後我冇沖到......

機場的hotel當然都係full曬......

到處找找機場內可供訓的椅子吧，可惜我地太遲了，凌晨時分，所有位都俾人霸曬.......

最後我地唯有過了去terminal 1 旁邊的aeroplaza的一張圓椅睡(下圖)....而行李就鎖了在機場的locker內。

唔係訓唔著，都訓左大約兩小時，但因為訓既地方太硬，同埋最主要係冇暖氣，之後就點訓都訓唔番.....

望望手錶，就到5點......

我的情人節之夜竟然要露宿機場......真係好難忘......

老公話再去睇下d休息室有冇位，幸運地其中一間剛剛有兩個人走了，有兩張床可以俾我地訓!!!!呢刻真係好感動!!!!個接待員仲好好人，佢係台灣既留學生，仲同我地傾了一陣tim~~

最後訓了大約5小時，飲埋佢提供既free drink就走了。

每人盛惠1220yan，圍番95蚊hkd，抵喇~~

起身後，去廁所刷個牙，就搭JR去難波行了一個下午，之後晚上回機場，飛機準時起飛，安全回到香港。

北海道之旅就此完結。

北海道之旅------函館(2)

13/2/2014

昨晚食完飽飽的buffet後，今早一起身都係食buffet~~~~~

有已醃過的大大粒鮭魚籽任食，佢本身預你配飯食，但我為左唔想咁快飽所以齋食，哈哈~~~在口內一咬就爆曬汁，好好味~!!!仲有好多其他野食~~

望著海食早餐，繼上次去馬爾代夫之後，今次是第二次，這才是生活啊~~~

再次挑戰食納豆，六年前在日本食過一粒已要吐。今次撈埋芥末，感覺好了很多，原來納豆是不可以齋食的.....

 食完早餐，上番房，又浸多陣風呂先，一邊浸一邊望著這樣的好天氣，真係好正!!!
相中左邊有個牌子，說從這方向望到很遠很遠就是青森。當然，根本是沒可能見到.....

懷著依依不捨的心情退房，這裡是退房時才收費的。
搭電車回JR函館前站，到函館朝市去。

函館朝市內有個攤檔可以俾你即釣墨魚，之後即劏即食，只需付出500yan就可以了!!

沒有理由唔釣囉~~

付了錢，檔主就俾支魚干你，教你點釣，話釣佢個頭，一勾上黎就得。

好快，唔使10秒，已經釣到~~~

之後就會有個師傅係你面前用一分鐘既時間生劏左條墨魚，條墨魚俾人斬左個頭，d腳仲識郁架......到上了碟後，d腳都仲有少少郁緊。

來到朝市，一定要食新鮮的海膽吧~~~找了很久，只找到一間。女店主一副唔休做的表情，話要一個都唔so人，仲要即刻蓋埋個蓋!!!幸好男店主都有禮貌，立即開了一個給我們，但就貴了點ar，要1000yan.......而且食落仲有d苦味>.<但論鮮味，佢就真係第一，平時食丼的海膽一定唔會咁鮮。

食完野，就沿著海旁往金森紅磚倉庫方向進發。

呵呵~~到了~~一排的紅貨倉在藍天的襯托下更為突出呢~~

在紅貨倉內，其實是售賣各式手信的店舖。其中一間叫SNAFFLE'S的甜品店，內有好濃的CHEESE CAKE，雖然要158yan一個，但真係好好味。佢門口仲有得試食，其實試食都食左半個了，哈哈~抵番曬~~~

之後向元町公園方向前進。

中途醫個肚先，呢間係好出名既Lucky Pierrot，我們去到既時候剛巧有電視台拍緊野，而主持竟然係一個識講流利日語既外國人!!!!

出名的炸雞漢堡&芝士薯條~~~~

之後再行5分鐘左右，就來到來來軒~1935年已開業，店內只有一位老婆婆做接待。我們入去時內裡並沒有客人，坐下後我們只點了一碗鹽味拉麵，因為我們剛剛已吃過漢堡&芝士薯條，但婆婆不斷說一碗兩個人不夠吃，而我又不太懂說剛吃了東西.....不過，最後我還是勝利了~哈哈~~~鹽味拉麵很清但又帶有甘甜的味道!!!超正!!!!

店舖外貌是很舊式的陳設，我們本身行過了都不知.....因為太不起眼.......

前往元町公園範圍~~

然後搭纜車去看函館山夜景~~~~

函館山夜景跟意大利拿坡里及香港的夜景齊名，是全球最美三大夜景。在我看來，可能看得香港的夜景太多，覺得都是差不多，只是地形不同所以有另一種形勢而已，但客觀來說，都很美的。

下山後到處找找有沒有Supermarket，打算來個最後血拼，但在我急步過馬路的時候，竟不小心滑倒了>.<臨尾香>.< 令到膝蓋擦損了流血....嗚嗚...仲要""魚"曬.....唉......其實我來到北海道第一天，已買了一個防滑膠套在鞋底，不過在數日前去旭川動物園時，因有些館不可套著內進所以脫了下來，之後我又覺得自己已handle到行雪地所以冇再用，同埋其實防滑膠套在鞋底會夾住我d腳趾，行整天後就會痛，種種原因令我沒再用防滑膠既情況下，竟然滑倒了 T_T

最後腳痛加上下大雪，便隨便找了一間中華料理店食dinner，有揚州炒飯，味道差不多，但沒有蝦同叉燒，只有肉絲、蔥和蛋。

回酒店後快快休息，明天要早起趕回程了.......(不過，最後呢.......早知唔使咁趕啦~~)

北海道之旅------函館(1)

12/2/2014

一早起床，搭1.5小時JR由旭川返回札幌，之後再轉特急北斗坐3.5小時車程去函館。
去函館如果唔係搭飛機去(函館有機場)，坐JR去就好貴，一程要8590yan，不過我們用了JR PASS，慳唔少呢~~~~

車上有售便當，如要訂就要在上車不久後通知職員，因為佢要落order在途中的車站取貨。我們因已買了早餐上車食，所以沒有購買。

過了3.5小時的JR之旅後，先到JR的客戶服務中心買一日電車卷(600yan)。電車車費以行車距離計算，最平200yan，最貴好像是250yan，所以搭到三程就一定可以cover到。


搭了十多個站，終於到了湯之川的範圍，下了車後步行大約5分鐘就見到我們入住的溫泉酒店喇!!!!!

我們在未入到酒店門口，還只是在酒店的對面馬路時，酒店內的職員已跑出來幫我們取行李!!!!其實個條街成排都係酒店，我唔知點解個職員咁sure我們是入住佢個間酒店....Anyway，這貼心的第一服務已令我們留下好的印象。

入到酒店，即刻有職員帶我們在大堂坐下，還即時有免費的welcome drink讓我們選擇。
飲品奉上後，職員就和我們核對資料，及講解一下食buffet既時間、浴場開放時間、房屋內浴衣的使用等等。講解完後，行李就推番過來，我們發現行李箱的輪子上已沒有了雪，原來是剛剛跑出去幫我們取行李的職員幫我們清理的，服務真的一流!!不過我都明白，職員可能只是不想我們的行李弄髒酒店的地方。
(p.s此酒店除了可選擇食buffet，還可選入室和食or sushi，要在上網booking時選定的。)

取得門匙後，有另一位上了年紀的婆婆帶我們上房，我們住在9樓，已經是第二高的樓層了。
一入門，婆婆逐一介紹房裡的設施，包括兩套不同的浴衣在什麼情況之下穿著、抽濕機的開關、抽風系統的運作、風呂的使用等等......講解完畢，婆婆最後跪在地下90度趴地鞠躬，起身後仲要褪後行，直到出了我們的房門再幫我們輕力關門。嘩.......這貴賓式的招待真的令我們覺得有點不好意思呢~~~

窗外是向海的~~~~

私人風呂也是向海的~~~是在網上booking時要選定的，當然價錢會貴一點~~~

浴衣有大中小size供你選擇，真的豪氣ar.......

雀躍了一輪後，便要暫時離開酒店，外出醫肚先。

搭電車去五稜郭公園，在麵廚房あじさい吃了味彩鹽味拉麵。都OK好食~~~

食完後，時間已將近黃昏，就立即趕到對面上五稜郭展望台，兩人一起買票竟然可以當係團體票平D~~~
五稜星覆蓋著白皚皚的雪，別有一番味道。日景與夜景都有不同的美。夜景更被稱為五稜星之夢。

看完後，搭電車回酒店，食我們期待已久的buffet!!!!

好多海鮮，喪食長腳蟹腳ar~~~~~

甜品都有不少的選擇~~~

在我們食buffet的時間，職員便會到我們的房間內舖好tatami，很貼心的服務!!!!!

仲要咩都有得揀，服務真係好到加零一。

食到飽飽之後，回房看看冬奧的冰壺比賽，選手樣貌都幾靚。

休息了一陣後，就同老公分開下去浴場浸public風呂。

室內的Public風呂分唔同既溫度，有21-3X、3X-46、46以上，另有冷水溫泉。

另外，還有兩個分別5X度同7X度的桑拿房，我只入了較低溫的那一個，5分鐘後已出來了。

最後，一定要浸的當然是露天風呂，望海的。其實和我房裡的一樣，只是地方較大。

浸完後，梳洗完畢，休息區仲有免費凍飲供應，認真不錯!!!!

返回房間，再浸私家風呂，天寒地凍，正ar!!!!