星期日由馬料水去塔門的船比平日多了一班，就是在12:30pm開出，這班船應該是一日當中最多人搭的一班。
一落船就見到好多假櫻花同花牌，原來今日是塔門太平清醮的前夕，好在今天到來。因明天開始就開始封船了!!! 塔門的太平清醮好像不像長洲那樣歡迎遊客呢~
下船後往左行一小段路，就會見到3間餐廳，3間門口都係食差唔多既野，而且都係冇標價，最後我們是但入了一間----新友記。
點了馳名的海膽炒飯及炸墨魚丸。海膽炒飯有好香的海膽味，炸墨魚丸內亦有粒粒墨魚，好有咬口，只是略嫌有點貴。
吃飽後穿過天后廟再往山上行就會去到大草原。
但未去到大草原已見到地上有很多大大篤的牛屎。
一來到大草原，更是屎味濃，每一步都要看清地下先好行。
在大草原上，見到有一大一小的牛牛在吃草。
山坡下亦有幾隻牛牛。
有人在這裡野餐，牛牛聞到有食物就過去搶食，連膠袋也想一起吃下肚，幸有市民死命扯住膠袋唔俾牛牛食咋。在草原中都見到有牛屎混集了膠袋，所以千萬不要草原亂丟垃圾，會害死牛牛的!
搶食牛牛食完後差點尿尿在小朋友的鞋裡，嚇壞了在野餐的小朋友。
就是這隻搶食牛牛啦~
在大草原上用Spark看看上空先~
之後往呂字疊石方向行，穿過另外2個小草原就見到，之後往漁民新村方向行，可以更清晰的望到呂字疊石。
繼續往漁民新村方向行就可以行番去碼頭。
17:30是最後一班由塔門去馬料水的船，趁未夠鐘，我們去了午餐時3間餐廳的另一間新惠和食個豆腐花先。
在食的途中見到鄰桌點了炸墨魚丸，比我們在新友記食的更大粒，粒數好似一樣都係有13粒，而且仲要平d，早知午餐來這間吃啦~
另一鄰桌幾個大陸年輕人，食野食得勁核突，食炒麵炒飯都可以食到成枱成地都係，痴線，都唔知咩構造，執碗時執死阿姐囉。
回到碼頭等上船，又玩下Spark先，碼頭加花牌的配搭，真的可遇不可求啊~
看到我們在碼頭嗎?哈哈!
