每天晚上6:30在PIC都會有一場DINNER SHOW，晚餐中段會有舞蹈表演，金卡住戶已經包了費用，銀卡或銅卡住戶額外每人付55美金就可以「享用」，我們是銅卡持有人，所以每人要付55美金。
我們大約18:20去到，已經有很多人在排隊，而且已經有很多人在內食緊，明明就是1830才開始，不知何解又咁早放人入去。
在櫃台先付了錢，便有人帶我們去座位，但我們竟然被安排去搭一張本已坐了8人一家的長枱，感覺極奇怪，我有點不滿，但眼見好像沒其他位置便算了。
之後出去拎食物，發現得勁少食物，熟食得十多款，海鮮只有一款，就是蜆，再加少量沙律配菜，四款甜品及兩款生果就‧完‧了‧!!!!!!! 我平時係香港食百多元團購的自助餐都不至於那麼少款式!!!!仲要唔包飲品，只有水。我見有人自己帶了飲品來，很快就被職員收起，到完場先俾番佢囉。
再看看味道方面，所有食物都是凍的，蜆有沙，肉是柴的……但難食也要食一點，出去拎了兩次食物，打算第三次出去拎點沙律配菜時，發現已經冇晒沙律配菜，其他熟食都沒有再refill，只剩下好少好少，那時只是7點幾咋!!!!!喂，大佬!成四百幾蚊港紙，俾d咁既野出黎，我係香港用呢個價錢食到一個海鮮dinner buffet啦!!就算唔同香港比，同是在關島內的餐廳，就像PIC對面酒店的Tony Roma's，我們兩個人叫扒食，二個人夾埋唔使四百蚊港紙都食到嘔，仲要係好好味。你可以話55美金包埋舞蹈表演錢，但我覺得這餐就算只是10美金一人也不值囉，所以我極力建議想入住PIC的人買銅卡就好了，外面的食物真的比在PIC好吃一萬八千億倍!!!!!
19:30開始舞蹈表演，很有stitch的感覺，有夏威夷feel~
舞蹈表演大約歷時40分鐘，之後那些舞蹈員會下來和大家合照，廣播響起叫大家散水啦喂…..
完!
沒有留言:
張貼留言