澳洲之旅------悉尼(Bondi Beach, Sydney Tower Buffet)

11/11/2018

今天來到邦迪海灘(Bondi Beach)，一下車見到那麼長而深的海岸線真的令我深深著迷!再加上藍天的襯托真的是perfect match!

沙灘上的壁畫~

先忍著要衝下海的心情，到海灘旁的Bondi Markets逛逛。

市集是由學校改建而成的，很特別。

廁所的門都很矮，見到旁邊人士的頭….

市集有很多特色的攤檔，花園位置有小吃，可以坐下來邊吃誘欣賞人演奏。

去了Bondi surf seafoods食炸魚薯條，有很多人幫襯，但大部人都係拎走食，因為澳洲人真係好鍾意曬太陽!!!

我們一人叫了一set，中伏了，薯條太多，完全食唔晒，最後食剩了勁多薯條…..

食飽飽後就去了更衣室出面的locker放好隨身物品，之後我地就換衫下水了。

其實今日天氣有少少涼意，所以水有d凍，但都接受到。

浪其實都好大，所以游唔到好出已被浪推番入岸。

上番水，換好衫，放Spark上去影下個靚景先~

真的超靚，無言~

番回酒店沖身，之後就去Sydney Tower準備食buffet，我一早已上網book了位，點知太早去到被告知未有枱。

到夠鐘終於可以上去，點知安排坐係走廊位，我book時有講話要窗口位，佢話佢只可mark低但唔保證有。坐唔到窗口位真係可惜，d人係你身邊行出行入好擾人，而且又有旅行團，人很多。食物質素就預左一般架喇，上來只係為左睇景，同埋佢好似合和中心buffet咁會自轉。

食完去了悉尼歌劇院看夜景，今天是國殤紀念日，是紀念第一次世界大戰於1918年11月11日上午11時結束。剛好今天是100週年，所以歌劇院上都投射了紀念的紅色虞美人花。當地的市民有些都有佩戴虞美人花。