丹吉爾之旅------Casabarata Market、Socco Alto Mall

 11/6/2025

今天第一站先到Casabarata Market，Google標示是早上9時開門，但當我們11:30am去到時，仍然有9成店舖未開.......開了的都只是賣二手衫及電器的，另外露天部分的地方其實似垃圾房多d，所以我們兜了一個圈便離去了......

求其係街邊行下，又行下超市，之後就搭的士去Socco Alto Mall。 Socco Alto Mall位於有錢人的區域，商場附近全是大宅別墅，和今早的Market差天共地。

商場內有美食廣場，其中有兩間食日式食物的，有壽司，但因為驚伏，所以只叫了炒飯(唔知點解日式料理都有炒飯......)，即叫即炒，好有鑊氣!!

老公又又又食西餐，我唔想再見到薯條......

商場內有家樂福，隻蕉長過塊臉......

貝殼蛋糕好貴，英國買會便宜很多，因為近法國。

家樂福好鍾意將同一樣產品成排咁排，我無論在馬拉喀什還是在丹吉爾都見到是這樣，同埋佢地永遠都將笑牛牌芝士放室溫!!!!真的令我很震驚!!!

商場內仲有Fun Park，類似冒險樂園，仲有得碌拎，但因為睇唔明幾錢，又溝通唔到，所以最後作罷。

之後去了一間Cafe飲Mint tea，用傳統摩洛哥銀壺沖，加糖，非常好飲，好飲到飲完一壺再叫一壺! 重點是還很便宜，只是20Dh(大約hkd17)。老公還叫了雪糕，但味道一般。

商場外有一個馬場，可以俾錢租馬騎，我見都有幾多外國人騎，可能太懷念家鄉了吧~(我成日見到我家門口出面有人騎馬經過......)

又回到商場，內有一間名為Paul的法國甜點舖，賣相很吸引! 

最後買了兩件來吃。芝士蛋糕有酒店級水準，朱古力蛋糕有流心，但味道一般。

晚上回到酒店附近的Marina Grill食晚餐，這間餐廳在我這個旅程前後幫襯了四次。原因是又便宜又好食，而且還有沙灘海景!!!


今日是第二次來，叫了兩個塔吉鍋~雖然雞肉塔吉鍋的味道不夠昨天那間濃，但都不錯，而且份量很足，價錢也平昨天那間30%，超值!

食到晚霞出現先走~日落時間大約是8:30pm~

行回酒店的路上，只看相片有點似泰國呢!